Çerecay' mêşna û bizan ti yi
Hûmalek û pelpelikê zozan ti yi
Cayi bizkovî û xezalî ti yi
Dêstî zelbendi d' zelî ti yi
Velg,zirç,palax û çere ti yi
Zîvon,qaşim û zattûre ti yi
Dendikî vam û gozan ti yi
Darê bexçê,mewê rezan ti yi
Sarey cewî hebey xelî ti yi
Korik û hebey gilgilî ti yi
Mîyan rezi d' mexsere ti yi
Goşey engûri û şire ti yi
Cayi aşiq û dildaran ti yi
Dar û nebatan r' varan ti yi
Cayi gûl û bilbilî ti yi
Cayi hing û vilî ti yi
Roj,aşm û estare ti yi
Goz,balû û simbore ti yi
Ma rî tabîato rengîn ti yi
Cayo şirîn hardo axpîn ti yi
Hêga d' zexre û mehsûlî ti yi
Yaban d' zerenc û zirçalî ti yi
Bostan d' çerçe û mûşare ti yi
Cîti d' sirs,alêt û nîre ti yi
Ma rî keye û eywan ti yi
Dengi,arîye û arîwan ti yi
Hêni,zinar,kerê û salî ti yi
Royan d' xizik û şelî ti yi
Şamey ma û sîpare ti yi
Asîn,asînkar û kûre ti i
Helbestvan û hozan ti yi
Lûlbaz û bîlûrvan ti yi
Govend û tîlîlî ti yi
Zel,bîlûr û lûlî ti yi
Zevaj û mare ti yi
Xebat û gûre ti yi
Dîroki ma û îlm-îrfan ti yi
Ziwani ma d' qal û qîrfan ti yi
Ma d' fikir û xiyalî ti yi
Behran r' roy û newalî ti yi
Mîyan royan d' ûsKûre ti yi
Sêr koyan d' kom û ware ti yi
24.05.2008
Yazdırın