QAZA LENG
Qaza Leyîr a ko vêja wa hak ra,
Amadeyene fırdayîş re nekar a.
Sey biney, lingê xu dejna wa,
Qaza leng; nameyê ya na wo pa,
Payîz ameyo, kuweno pa,
Ref bi ref koçberî destpêkerda,
Sucdar kenên ”tu ma erey verda wa”
birayên lejker e, kuwenên ya wa.
Qefleya koçberî des bi des, panc bi panc a,
Şinên koçberî, malbat dekowta,
Qaza leng ko war di mende ya,
Çimanên a di hesirên, dest têşana.
Gwîn veta wa çimên ya.
Sîneyê xu şayo zinaran,
Vera vera, gola ko bena serdin,
Tedi xerçkerdo, pêro qewetê xu.
Zaf xebitîyaya, serkewtin bîya.
”Firdayîş çi qas rind o.” Vatêna,
Qefleyo pêyîn, ax qefleyo pêyîn,
Çimên ya hewa di, ewnîyena!
Wever ra, taa mîyanê hewran ra,
Refek êsa wa pir barkerdi wa!
Mîyanê verargerm di vengdana înan
Veng roşnayene tewr bi tewr…
Rayverê ref ra lakva kerdene:
Ey qazên seyan, qazên seyan,
Beyntarê xu di min zî qebul bikîn,
Vatîne; qazên seyan, qazên seyan...
Rayverê refan, biney hêrsbîyaya,
Zaf persa vatvatik persa wa:
-Hêy lengê! Qaza leng,
Me erze, nê se qazî ma..
Encax; ma re qasê ma,
Hema qasê nîmê ma,
Qasê nîmeyê nîmê ma,
Nêbes o;yew zî ti bikewe mîyanê ma;
Ha! a wext ben in se qaz ma.
Bersiva xu bide Qaza Leng,
Ma di çend heb qazî est e?
Yazdýrýn